DEKLARATA E TË VETËPUNËSUARVE
Ky artikull është shkruar nga Erinda Myqefeli – themeluese e EM Consulting.
Individët e vetëpunësuar, që marrin mbi 80% të të ardhurave nga një klient i vetëm ose mbi 90% nga më pak se tre klientë, brenda muajit mars 2026 duhet të vetëdeklarojnë të dhënat për kontraktuesit të cilëve u ofrojnë shërbime, mënyrën e punës etj., me qëllim vërtetimin e burimit të të ardhurave.
Vetëdeklarimi do të kryhet përmes plotësimit të formularit “Deklarata e Statusit të Vetëpunësuarit” dhe ka për qëllim vërtetimin e burimit të të ardhurave, kur ato burojnë nga marrëdhënie biznesi dhe jo nga punësimi, pasi shumë punonjës, për të shmangur tatimet ose për të ulur detyrimet tatimore, dolën nga listëpagesat dhe u regjistruan si individë të vetëpunësuar.
Me ndryshimet e miratuara në ligjin “Për tatimin mbi të ardhurat”, pjesë e paketës fiskale 2026, përcaktohet se formulari i Deklaratës së Statusit të Vetëpunësuarit do të dorëzohet në drejtorinë tatimore rajonale ku është i regjistruar subjekti, brenda të njëjtës periudhë me Deklaratën Vjetore të të Ardhurave Personale, në muajin mars.
Për më shumë informacione mbi ndryshimet ligjore, na kontaktoni.
