Nga hoteleria te biznesi: si po e kthen AquaClean pastrimin nga një shërbim i zakonshëm në një profesion me standard, trajnim dhe protokolle të qarta.
Një ambient që duket i pastër nuk është gjithmonë një ambient i mirëmbajtur. Kjo është ideja nga e cila lindi AquaClean, kompani shqiptare e pastrimit profesional me moton “Pure by nature”.
Sot AquaClean shërben shtëpi, apartamente të sapondërtuara, zyra, biznese dhe ambiente me sipërfaqe të mëdha. Por ajo që e dallon nuk është vetëm rezultati. Është mënyra si ndërtohet ai rezultat: me staf të trajnuar, produkte profesionale dhe një organizim pune që vjen drejtpërdrejt nga standardet e hotelerisë.
Nga housekeeping-u i hotelit te një kompani më vete
Historia e AquaClean nis në hoteleri. Pas shumë vitesh në housekeeping, themeluesja kuptoi diçka thelbësore: një hotel mund të ketë pozicion të shkëlqyer dhe mikpritje të ngrohtë, por nëse higjiena nuk është në të njëjtin nivel, e gjithë eksperienca e klientit dëmtohet.
Para se ta kthente idenë në biznes, ajo zgjodhi ta njihte sektorin nga brenda. Punoi vetë krah ekipeve, në ambiente të ndryshme, për të kuptuar kohën që kërkon çdo punë, vështirësitë e stafit dhe si reagojnë materialet ndaj produkteve.
“Përpara se t’i kërkosh një ekipi një standard, duhet ta njohësh dhe ta kuptosh vetë atë standard.”
Fillimet nuk ishin të lehta. Gjetja dhe formimi i stafit, si dhe transmetimi i nivelit të detajit që kërkonte, ishin sfida të përditshme. Por pikërisht këto pasiguri e shtynë të studionte më shumë, të trajnohej dhe ta përcillte këtë njohuri te ekipi. Ky proces vazhdon edhe sot.
Një biznes i ndërtuar rreth njeriut
AquaClean lindi edhe nga një nevojë personale. Si grua, nënë dhe sipërmarrëse, themeluesja e di sa e vështirë është të balancosh punën, fëmijët dhe shtëpinë. Prandaj ajo nuk e sheh pastrimin profesional si luks, por si kohë që i rikthehet një familjeje.
Një nga qëllimet që nga dita e parë ka qenë krijimi i vendeve reale të punës për gratë shqiptare: nëna me fëmijë të vegjël, gra të divorcuara apo gra me përgjegjësi familjare që nuk përshtaten dot me një orar tradicional. Aty ku puna e lejon, AquaClean ofron forma angazhimi që u japin të ardhura dhe pavarësi ekonomike, pa i larguar nga familja.
Synimi është ta çojë kulturën shqiptare të kujdesit për shtëpinë nga një përvojë e përditshme në një profesion të strukturuar, me trajnim, njohuri për materialet dhe protokolle të qarta pune.
Përgjigje ndaj informalitetit
Në një sektor ku shumë grupe paraqiten si “kompani pastrimi” pa strukturë apo trajnim, problemi më i madh është humbja e besimit të klientit. AquaClean po ndërton të kundërtën: organizim, transport, pajisje dhe kontroll cilësie pas çdo shërbimi.
Edhe produktet zgjidhen me kujdes. Prej disa vitesh ekipi punon me linjën profesionale spanjolle Quimxel, e njohur përmes një partnereje me mbi 35 vite eksperiencë në sektor. Për AquaClean nuk ka rëndësi vetëm sa mirë pastron një produkt, por edhe dozimi, materiali ku aplikohet dhe siguria e personit që punon me të.
Çfarë ofron AquaClean
Për shtëpinë
- Pastrim profesional nga ekipi: pastrim gjeneral, deep cleaning ose pastrim pas ndërtimit dhe rikonstruksionit. Ideal për çiftet që hyjnë në një apartament të ri, ku pluhuri i ndërtimit, bojërat dhe adezivët kërkojnë trajtim specifik.
- Mirëmbajtje periodike nga një zonjë e trajnuar: për familjet që kërkojnë vazhdimësi. Plani i punës përshtatet sipas madhësisë së shtëpisë dhe frekuencës, me rotacion për dritaret, dyert dhe zonat që nuk trajtohen në çdo vizitë.
Për zyrat dhe bizneset
Deep Cleaning është një ndërhyrje e thelluar që shkon atje ku mirëmbajtja e përditshme nuk arrin:
- cepat, bordurat, dyert, kornizat dhe pjesët e sipërme të mobilieve;
- zonat pas dhe poshtë mobilieve;
- xhamat dhe sipërfaqet e lëmuara;
- sipërfaqet me kontakt të shpeshtë;
- karriget, tapiceritë, divanet dhe qilimat;
- tualetet, kuzhinat dhe zonat e përbashkëta.
Për çdo biznes, AquaClean bën një vlerësim falas të ambientit dhe propozon një plan të personalizuar me zonat prioritare dhe frekuencën e rekomanduar. Ashtu si një kompani investon te punonjësit, duhet të investojë edhe në ambientin ku ata punojnë çdo ditë.
Drejt së ardhmes
AquaClean po investon në pajisje për parkime, garazhe, kapanone dhe sipërfaqe industriale. Në hoteleri, vizioni është që një hotel t’i besojë kompanisë një pjesë ose të gjithë menaxhimin e housekeeping-ut, nga stafi i trajnuar te protokollet dhe mbikëqyrja e standardit.
Ofertë ekskluzive për anëtarët e BLOconomy
AquaClean ka përgatitur një paketë përfitimesh vetëm për komunitetin BLOconomy, e vlefshme si për shtëpinë, ashtu edhe për biznesin:
- 15% ulje në shërbimin e parë profesional, për ambient banimi ose biznesi.
- Vlerësim falas dhe plan i personalizuar për bizneset, me ndërhyrjet periodike dhe nivelin e mirëmbajtjes që nevojitet.
- Professional Care Box dhuratë për 5 rezervimet e para: SANICAL, BACTERIAL AS, ZAX dhe GLAS. Për rezervimet pasuese mund të ofrohet paketa SANICAL + BACTERIAL AS, sipas stokut.
Kushti: oferta vlen vetëm për anëtarët e BLOconomy. Dhuratat jepen sipas rendit të rezervimeve dhe disponibilitetit të stokut.
Mos e lini për më vonë. Vetëm pesë rezervimet e para marrin Professional Care Box. Kontaktoni AquaClean dhe përmendni BLOconomy për të aktivizuar ofertën.
Tel: +355 69 374 3001
🌐 www.aquaclean.al
✉️ aquacleanal@gmail.com
