Veton Haxhiu, themelues i “ARKITON architects”, ka përfunduar studimet master në Fakultetin e Arkitekturës në Universitetin e Prishtinës, në Prishtinë. Pasionin ndaj arkitekturës e pati që në moshë të re, andaj mundësia që të ndjek studimet në këtë drejtim ishte një hap i madh drejt realizimit të ëndrrës. Rezultatet e larta në studime ishin treguesi më i mirë që suksesi po trokiste dalëngadalë në derën e arkitetit të ri. Dhe gjithçka rrodhi ashtu siç ishte planifikuar.
“ARKITON architects”, u bë adresa e kryesore e të gjithë atyre që imagjinatën dëshiruan ta përjetojnë në jetën reale. Ndonëse gjithçka nisi vetëm si një ide, zhvillimi i kësaj kompanie mori përmasa serioze me kalimin e viteve duke u renditur në kompaninë e cila konkurrencën e shikonte vetëm si mundësi për të prekur majat. Sot, kompania rendit qindra projekte unike, në nivel kombëtar e ndërkombëtar, duke u vlersuar me Çmime Ndërkombtare në Europë në projektim të objekteve dhe dizajn të enterierit. Staf profesional e kreativ, i gatshëm t’i përshtatet secilit ndryshim, mjedis i ngrohtë e pozitiv i punës, klientë të besueshëm e të kënaqur në atë që kompania ofron. Ajo çfarë e bën këtë studio projektuese më të veçantë, si virtyt i tyre dhe atë çka ata ndjekim si strategji është stili i projektimit, identifikimi i nevojave tek klinetët për zgjidhjen e problemeve funksionale dhe estetike si dhe ofrimi i kushteve reale për të përmirësuar kualitetin e jetës së njerëzve duke i ndjekur zhvillimet e fundit të materialeve dhe shfrytëzimit të duhur të hapësirës për të përçuar emocionet e brendshme të individit në projekte realiste.
Kliko në vijim për t’u anëtarësuar në Entrepreneur Club: https://shorturl.at/YU6mT
