Këshille që Jonida Gjoni dha për brezin e ri që janë në dilemë se çfarë të bëjnë
Një pyetje që shpesh përballen të rinjtë është: “A të punojnë gjatë periudhës së shkollës?”. Nëse do të ndaja mendimin tim, do të thoja që shkolla është prioriteti kryesor për të rinjtë në moshën 18-vjeçare. Arsyeja është e thjeshtë: për të punuar dhe për të bërë biznes ka gjithmonë kohë.
Të nisësh punë në moshën 23-25 vjeç është më se normale dhe mjaftueshmërisht herët. Ndërsa për të filluar një biznes, nuk ka një kufi moshe. Mund të ndodhë në çdo fazë të jetës, mjafton që të ekzistojë dëshira dhe gatishmërëia. Prandaj, rekomandimi im është që të rinjtë të fokusohen në studime në atë degë që ata dëshirojnë dhe ndihen të aftë për ta ndjekur.
Një gabim i shpeshtë që ndodh është kur të rinjtë zgjedhin një drejtim studimi në bazë të këshillave të prindërve, edhe kur ai nuk përputhet me interesat dhe talentet e tyre. Kjo shpesh sjell mungesë motivimi dhe rezultate të dobëta. Vendimi për të studiuar duhet të bazohet në pasionet dhe aftësitë personale të individit. Vetëm kështu ata mund të arrijnë suksesin dhe të jenë të plotësuar.
Shiko Podcastin: Jonida Gjoni – Klinika Dentare Ardent (EP14 – ED4)
