Artan HOXHA-Guest Speaker #2 – Expo 40/40 – BLOconomy
16 Qershor 2025, Tirana
Artan Hoxha është anëtar i Bordit të BLOconomy, me një angazhim të vazhdueshëm në fuqizimin e sipërmarrjes dhe bashkëpunimit rajonal në fushën e zhvillimit ekonomik.
Artan Hoxha është ekspert i pavarur me aktivitet mbi 25 vjeçar, si konsulent individual apo i ekipeve të ngritura nga Instituti për Studime Bashkëkohore, në projekte të ndryshme në kuadrin e reformave të kryera nga qeveria shqiptare, me mbështetjen e partnerëve ndërkombëtarë, në fushat e zhvillimit ekonomik e social si dhe të demokracisë e shtetit ligjor.
Në veçanti Hoxha ka kontribuar si ekspert kyç dhe/ose drejtues ekipi në reformat e lidhura me përmirësimin e mjedisit rregullator të të bërit biznes e që konkluduan me reduktimin e rregullave të tepërta, lejeve e licencave të panevojshme, ngritjen e QKR në 2006, QKB në 2009, riorganizimin e inspektorateve administrative dhe ngritjen e Inspektoratit Qëndror në 2011 si dhe me ngritjen dhe fillimin e aktivitetit të sistemit të gjykatave administrative në 2013.
Artan Hoxha ka aktivitet të vijueshëm mediatik që herët në vitet 2000 dhe i shpreh sistematikisht opinionet e veta politike në debatet televizive dhe në shtypin e shkruar. Përvoja e pasur profesionale e jetësore dhe formimi i plotë akademik e kanë ndihmuar të spikasë si opionionist me informacion të saktë dhe analiza të thella në temat politike si dhe në ato ekonomike apo institucionalo-ligjore
Dëshiron të jesh pjesë e panairit më të madh për promovimin e bizneseve shqiptare dhe ndërkombëtare në kuadër të 40/40?
Apliko tani për të ekspozuar produktet, shërbimet dhe idetë e tua në një event që sjell bashkë sipërmarrës, investitorë, media dhe partnerë strategjikë!
Link i aplikimit: https://bloconomy.al/40-40-expo/ ose Na shkruani në DM për më shumë info
