Takimi i radhës me z. Fatmir Bektashi – Inspirim nga një prej figurave më të rëndësishme të ndërtimit në Shqipëri
Ditën e djeshme zhvilluam një takim frymëzues me z. Fatmir Bektashi, themelues i Kontakt shpk, një prej kompanive më të njohura dhe me impakt të madh në industrinë e ndërtimit në Shqipëri. Ky takim u realizua në kuadër të sesioneve tona të përmuajshme të Entrepreneur Club, ku çdo muaj mirëpresim sipërmarrës të suksesshëm nga iniciativa “50 Over 50”, për të ndarë rrugëtimin, vizionin dhe përvojën e tyre me komunitetin tonë.
Gjatë takimit, z. Bektashi ndau historinë e tij të gjatë në ndërtim, filozofinë mbi të cilën është ngritur Kontakt shpk, si dhe qasjen e tij për realizimin e disa prej komplekseve më të rëndësishme në Tiranë. Ai tregoi gjithashtu për investimet që ka zhvilluar jashtë Shqipërisë, duke sjellë shembuj konkretë të zgjerimit dhe profesionalizmit. Sipërmarrësit e pranishëm patën mundësinë të drejtonin pyetje dhe të merrnin feedback të vlefshëm mbi tema si menaxhimi i bashkëpunimeve me palë të treta, proceset e kontraktimit dhe zhvillimi afatgjatë i projekteve.
Për t’u bërë pjesë e komunitetit tonë dhe për të marrë pjesë në takimet e radhës, ju ftojmë të vizitoni linkun më poshtë:
👉 https://bloconomy.al/entrepreneur-club/
