Njihuni me Sokol Cili, sipërmarrësi shqiptar në Gjenevë dhe Dubai
Rrugëtimi im në biznesi ka nisur që në moshë të vogël, duke shitur edhe frutat e baçes që në moshë 5 vjeçare. Por biznesi tamam ka qenë më moshën 18- vjeçare, ku arrita të bind prindërit që të linim shtëpinë ku jetonim për ta kthyer atë në Bar-Kafe, dhe mbi të gjitha të merrnin 40,000 dollar kredi si investim fillestar për ta nisur biznesin. Fati im ishte që isha lindur dhe rritur në një vilë afër Piramidës, dhe këtë pjesë e kisha pak të thjeshtë. Kjo ishte lë të themi “pika e kthesës”, pas këtij investimi u zgjeruam më tej duke shkuar në Restorant, pastaj distribucion vere, kafe, etj. Kjo histori e investimit në shërbime e pati jetëgjatësinë 10-vite.
Më pas vendosa të hap një studio ligjore, duke u marr me zgjidhjen e problemeve të disa personave të ndryshëm (klientëve). Ky biznes, më pas më lidhi akoma më shumë me pronat. Dhe sot kam gati 8 vite me një kompani real-estate “Falcon RealEstate” dhe ne Gjenevë “Falcon Group International”. Ndërkohe prej 3-vitesh jemi në Dubai me Premium International Real Estate.
Sfidat më të mëdha janë ato që kam pasur me veten time. Biznesin e kam mësuar me konceptin “learning by doing” pasi në atë kohë, nuk ka “ekzistuar koncepti i mentorit” për të të mësuar disa rrugë mbi të cilat mund të ecësh.
Ndërsa në biznes, sfida më e madhe ka qenë një biznes që nisa me Kinë në fushën minerale, më pas e spostova vëmendjen e investimin në Gjenevë për të vijuar më pas në Dubai.
Nëse do flasim për strategji për tu future në treg, në pjesën më të madhe të rasteve i kam besuar “instinktit prej sipërmarrësi”. Por patjetër që e kam bërë një “desk research” përpara sesa të vendosja të investoja në një industri apo edhe në shtete të ndryshme.
Ndërsa strategjia për të përmirësuar suksesin e biznesit, jam gjithmonë i parimit të investimit në njerëz, disipline dhe pikën mbi “I” do ta vendosja tek pasioni. Pasi gjërat që bëhen me pasion bëhen më mirë dhe bëhen ndryshe krahasuar me bizneset e tjera.
Vlenë për tu theksuar edhe fakti që gjatë 2020, kam qenë Drejtor Ekzekutiv i SWISSA.
🎙️Për të mësuar më shumë mbi historinë e Sokol, në sipërmarrje na ndiqni në vijim në pocastin që do të jetë se shpejti online në youtube të BLOconomy dhe në Spotify Albanian entrepreneurs
YT: https://www.youtube.com/@bloconomyalbania758/playlists
Spotify: ALBANIAN ENTREPRENEURS
🌐Nëse je ose njeh një sipërmarrës nga Diaspora shqiptare nominoje në link-un në vijim: https://tinyurl.com/3c9tpb3s
