Në panairin Expo 40/40, mes sipërmarrësve të suksesshëm dhe pjesëmarrësve të iniciativës “40 under 40”, një fjalë përshëndetëse erdhi nga z. Kadri Morina, i cili ndau reflektime mbi rrugëtimin e sipërmarrjes në Shqipëri.
Një nga pyetjet që shpesh është ngritur edhe gjatë podcasteve tona ka qenë:
👉 “A është e vështirë të bësh biznes sot në Shqipëri? Po a ishte më e vështirë në vitet ’90, kur tregu sapo kishte nisur të hapej dhe fjala sipërmarrje ishte pothuajse e panjohur?”https://eurosig.al/en
Nga tregu i mbyllur tek hapat e parë të biznesit
Kadri Morina kujtoi se në fillim të viteve ’90 askush nuk e dinte realisht çfarë do të thoshte të bëje biznes. Tregu ishte ende i paformuar, ndërsa idetë dhe konceptet e sipërmarrjes ishin të reja për shoqërinë shqiptare. Megjithatë, ky ishte momenti kur nisi një kapitull i ri për ekonominë dhe për sipërmarrësit e parë.
Koha u përket të rinjve sipërmarrës
Sipas Morinës, brezi i tij tashmë ka dhënë kontributin e vet, duke shfrytëzuar dhe maksimizuar hapësirat në treg. Sot është koha e brezit të ri për të marrë në dorë iniciativën dhe për të çuar përpara investimet dhe zhvillimet në treg.
Thirrje për të marrë rreziqe dhe për të përballuar sfida
Në mesazhin e tij për sipërmarrësit e rinj, ai sugjeroi fuqishëm që të mos kenë frikë nga rreziqet dhe sfidat. “Çdo sfidë që kaloni sot është një shenjë e qartë e suksesit që do të arrini nesër,” theksoi ai.
Një mbështetje për Expo 40/40
Kadri Morina vlerësoi iniciativën Expo 40/40 si një hap të rëndësishëm për të bashkuar sipërmarrësit, për të shkëmbyer përvoja dhe për të ndërtuar ura bashkëpunimi mes tyre.
