Sipërmarrësit luajnë një rol të rëndësishëm në çdo ekonomi, duke përdorur aftësitë dhe iniciativën e nevojshme për të parashikuar nevojat dhe për të sjellë ide të reja dhe të mira në treg.
Ndonëse perspektiva për të qenë “shefi i vetes” dhe për të grumbulluar një pasuri është tërheqëse për ëndërrimtarët “sipërmarrës”, anët negative të kësaj përpjekjeje mund të jenë të mëdha. Të ardhurat nuk janë të garantuara, përfitimet e sponsorizuara nga punëdhënësi humbasin, dhe kur biznesi juaj humb para, pasuritë tuaja personale mund të pësojnë rënie; jo vetëm bilanci i një korporatë. Megjithatë, respektimi i disa parimeve të provuara dhe të vërteta mund të ndihmojë shumë në zvogëlimin e rrezikut. Vijojnë disa karakteristika që janë të nevojshme për të qenë një sipërmarrës i suksesshëm:
-
Komunikimi
Çdo sipërmarrës ka nevojë të jetë një komunikues efektiv. Qoftë një person një “sipërmarrë i vetëm” apo që drejton një kompani të “Fortune 500”, ai duhet të kuptojë si të komunikojë efektivisht me të gjithë palët e interesit dhe palët e mundshme të interesit që prekin biznesin.
Është jetike për një “sipërmarrës” të jetë në gjendje të komunikojë me punonjësit, investitorët, klientët, kreditorët, kolegët dhe mentorët. Nëse një “sipërmarrës: nuk mund të komunikojë vlerën e kompanisë së tij, është e pa mundur që kompania të jetë e suksesshme.
Sipërmarrësit gjithashtu kanë nevojë të zotërojnë të gjitha format e komunikimit, duke përfshirë bisedat “face to face” dhe ato “one on one”, bisedat në grup, komunikimin me shkrim, dhe mesazhet nëpërmjet e-mailit apo online.
-
Shitjet
“soft skills” sidomos ajo e shitjeve shkon “krahë më krahë” me komunikimin e nevojshëm për të qenë i suksesshëm. Si sipërmarrës, cdo person duhet të jetë në gjendje të shesë çdo gjë. Një sipërmarrës ka nevojë të shesë idenë e biznesit tek investitorët potencialë, produktin ose shërbimin tek klientët, dhe veten tek punonjësit.
Nëse një “sipërmarrës” është në gjendje të komunikojë efektivisht, atëherë ai është më i pajisur për të shitur idetë dhe produktet fizike.
Në fillim, është natyrale që sipërmarrësit të jenë shitësit e parë në kompanitë e tyre përkatëse. Ato aftësi shitjeje janë të nevojshme për të demonstruar vlerën për të gjithë palët e interesit brenda dhe jashtë kompanisë.
-
Përqendrimi
Rruga drejt “sipërmarrjes” së suksesshme është e mbushur me ngritje dhe rënie. Ka momente të larta të sukseseve dhe zhgënjime të dështimeve. Një sipërmarrës i suksesshëm ka nevojë të jetë në gjendje të përqendrohet në mënyrë që të qëndrojë në rrugë kur vështirësitë bëhen të mëdha. Pavarësisht nga sfidat që një sipërmarrës kalon, një sipërmarrës i suksesshëm ka përqendrimin e nevojshëm për të mbajtur një sy të palëkundur mbi qëllimin përfundimtar dhe ka fuqinë për ta shtyrë veten për ta arritur atë.
Një nga rreziqet kryesore me të cilat përballet një sipërmarrës është rreziku i paqëndrueshmërisë emocionale
-
Aftësia për të Mësuar
Aftësia për të mësuar është një nga aftësitë më të rëndësishme për të pasur në jetë, jo më pak në sipërmarrësi. Nëse dikush është duke ndërtuar një biznes, aftësia për të mësuar është e nevojshme për sukses.
Ngritjet dhe rëniet përmes të cilave kalon një sipërmarrës janë të pashmangshme. Një sipërmarrës ka nevojë për një aftësi të lartë për të mësuar—dhe një dëshirë për të mësuar. Nëse një person është në gjendje të mësojë në çdo situatë, edhe në dështim, ata kanë aftësitë e nevojshme për të bërë një sipërmarrje të suksesshëm. Dështimi mund të ndihmojë në zgjerimin e njohurive dhe të kuptimit të biznesit.
66% Përqindja e bizneseve të reja që dështojnë brenda 10 viteve të para, sipas Administratës së Bizneseve të Vogla.
-
Strategjia e Biznesit
Ndërsa një sipërmarrës i suksesshëm ka, ndërtuar një kompani të suksesshme, aftësia e strategjisë së biznesit është në fakt aftësia e pestë më e rëndësishme që një sipërmarrës ka nevojë. Shpesh, ndërmarrësit arrijnë sukses në bizneset e tyre përmes forcës së tyre të madhe të vullnetit.
Duke përdorur aftësi efektive komunikimi, aftësi shitjesh, përqendrim të thellë dhe një aftësi të lartë për të mësuar, një sipërmarrës mund të mësojë një strategji biznesi në “fluturim”. Megjithatë, kur strukturohet dhe rritet një biznes, është e rëndësishme që struktura dhe strategjia e rritjes të bazohen në një sens të shëndoshë biznesi dhe aftësi. Një sipërmarrës i suksesshëm ka nevojë të ketë një strategji të fortë për të çuar biznesin e tij nga i mirë në të shkëlqyer.
Shkrimin origjinal mund ta lexoni në link-un në vijim: https://www.investopedia.com/articles/personal-finance/080615/5-skills-every-entrepreneur-needs.asp
